ಶ್ರೀ ರಾಜಾಧಿರಾಜ ಗೋವಿಂದ ಮಂದಿರ
ಲೋಕಾರ್ಪಣೆ
ಭಾರತದ ಸನ್ಮಾನ್ಯ ರಾಷ್ಟ್ರಪತಿ ಶ್ರೀ ರಾಮ ನಾಥ ಕೋವಿಂದ್ ಅವರು ಜೂನ್ ೧೪, ೨೦೨೨ ರಂದು ನಡೆದ ಲೋಕಾರ್ಪಣೆ ಸಮಾರಂಭದಲ್ಲಿ ಇಸ್ಕಾನ್‌ನ ಶ್ರೀ ರಾಜಾಧಿರಾಜ ಗೋವಿಂದ ಮಂದಿರ ಮತ್ತು ಸಾಂಸ್ಕೃತಿಕ ಸಮುಚ್ಚಯ/ಸಂಕೀರ್ಣವನ್ನು ಉದ್ಘಾಟಿಸಿದರು. ರಾಷ್ಟ್ರದ ಪ್ರಥಮ ಗೌರವಾನ್ವಿತ ಮಹಿಳೆ ಶ್ರೀಮತಿ ಸವಿತಾ ಕೋವಿಂದ್ ಅವರು ರಾಷ್ಟ್ರಪತಿ ಅವರ ಜೊತೆಗಿದ್ದರು. ಈ ಮಂದಿರ ಯೋಜನೆಯು ಶ್ರೀಲ ಪ್ರಭುಪಾದರಿಗೆ ಅವರ ೧೨೫ನೆಯ ಜನ್ಮದಿನೋತ್ಸವದ ಗೌರವಾರ್ಪಣೆಯಾಗಿದೆ.
ಕರ್ನಾಟಕದ ರಾಜ್ಯಪಾಲ ಶ್ರೀ ಥಾವರ್ ಚಂದ್ ಗೆಹ್ಲೋಟ್, ಮುಖ್ಯಮಂತ್ರಿ ಶ್ರೀ ಬಸವರಾಜ ಬೊಮ್ಮಾಯಿ ಮತ್ತು ಶಾಸಕ ಶ್ರೀ ಕೃಷ್ಣಪ್ಪ ಅವರೂ ಕೂಡ ಈ ಸಮಾರಂಭದಲ್ಲಿ ಉಪಸ್ಥಿತರಿದ್ದರು.
ಲೋಕಾರ್ಪಣೆಯ ಅನಂತರ ಗಣ್ಯರು ಶ್ರೀ ರಾಜಾಧಿರಾಜ ಗೋವಿಂದ ಮಂದಿರ ಮತ್ತು ಮಂದಿರದಲ್ಲಿನ ಇತರ ದೇವತೆಗಳ ಮಂದಿರಗಳಿಗೆ ಭೇಟಿ ನೀಡಿ ದರ್ಶನ ಪಡೆದರು.
ರಾಷ್ಟ್ರಪತಿ ಶ್ರೀ ರಾಮ ನಾಥ ಕೋವಿಂದ್ ಅವರು ಸಭಿಕರನ್ನು ಉದ್ದೇಶಿಸಿ ಮಾತನಾಡಿ ಹೇಳಿದರು, ಇಸ್ಕಾನ್ ಸಂಸ್ಥೆಯು ಕಳೆದ ೨೫ ವರ್ಷಗಳಿಂದ ಲಕ್ಷಾಂತರ ಜನರ ಜೀವನದಲ್ಲಿ ಸಕಾರಾತ್ಮಕ ಭಾವನೆ ಮೂಡಿಸಿದೆ. ಇಸ್ಕಾನ್‌ನ ಶ್ರೀ ರಾಜಾಧಿರಾಜ ಗೋವಿಂದ ಮಂದಿರದ ಲೋಕಾರ್ಪಣೆ ಸಂದರ್ಭದಲ್ಲಿ ನಾನು ಶ್ರೀ ಮಧು ಪಂಡಿತ ದಾಸ ಅವರನ್ನು ಅಭಿನಂದಿಸುವೆ. ಅವರ ಆಧ್ಯಾತ್ಮಿಕ ಶಕ್ತಿ ಮತ್ತು ಅಪೂರ್ವ ನಾಯಕತ್ವದ ಕಾರಣ ಶ್ರೀಲ ಪ್ರಭುಪಾದರ ಅನೇಕ ಆಶಯಗಳು ಸಾಕಾರಗೊಳ್ಳುತ್ತಿವೆ. ಶ್ರೀ ರಾಜಾಧಿರಾಜ ಗೋವಿಂದನ ಸುಂದರ ಮೋಹಕ ವಿಗ್ರಹವು ಭಗವಾನ್ ಶ್ರೀ ಬಾಲಾಜಿಯ ವಿಗ್ರಹದ ಪ್ರತಿ ರೂಪವಾಗಿದೆ. ಅದೇ ಭಗವಂತನು ನಮ್ಮ ಪೂಜೆಯನ್ನು ಸ್ವೀಕರಿಸಲು ಮತ್ತು ನಮ್ಮನ್ನು ಅನುಗ್ರಹಿಸಲು ಈ ವೈಕುಂಠ ಗಿರಿಯ ಮೇಲೆ ಅವತರಿಸಿದ್ದಾನೆ. ಮುಂಬರುವ ವರ್ಷಗಳಲ್ಲಿ ತಮ್ಮ ಮಾನವೀಯ ಮಧ್ಯಪ್ರವೇಶಿಕೆಯನ್ನು ಇನ್ನೂ ಹೆಚ್ಚಿಸಲಿ ಎಂದು ನಾನು ಇಸ್ಕಾನ್ ಬೆಂಗಳೂರಿನ ಸಮರ್ಪಣಾಭಾವದ ಸದಸ್ಯರಿಗೆ ಶುಭ ಕೋರುವೆ.
ಕರ್ನಾಟಕದ ರಾಜ್ಯಪಾಲ ಶ್ರೀ ಥಾವರ್ ಚಂದ್ ಗೆಹ್ಲೋಟ್ ಅವರು ನುಡಿದರು, ಶ್ರೀಲ ಪ್ರಭುಪಾದರ ೧೨೫ನೆಯ ಜನ್ಮೋತ್ಸವದ ಸಂದರ್ಭದಲ್ಲಿ ಈ ಮಂದಿರವು ಅವರ ಮಹತ್ವಪೂರ್ಣ ಪರಂಪರೆಗೆ ಸಂದ ಅತ್ಯಂತ ಸೂಕ್ತವಾದ ಗೌರವವಾಗಿದೆ. ಸಮಾಜದಲ್ಲಿ ಸಕಾರಾತ್ಮಕ ಪರಿವರ್ತನೆಯನ್ನು ಸಕಾರಗೊಳಿಸಲು ಈ ಮಂದಿರ ಮತ್ತು ಸಾಂಸ್ಕೃತಿಕ ಕೇಂದ್ರವು ವ್ಯವಸ್ಥಿತವಾಗಿ ಜನರಲ್ಲಿ ಅಗತ್ಯ ಶಕ್ತಿಯನ್ನು ತುಂಬುತ್ತದೆ ಎನ್ನುವ ವಿಶ್ವಾಸ ನನಗಿದೆ.
ಕರ್ನಾಟಕದ ಮುಖ್ಯಮಂತ್ರಿ ಶ್ರೀ ಬಸವರಾಜ ಬೊಮ್ಮಾಯಿ ಅವರು ಹೇಳಿದರು, ಭಕ್ತಿ ಆಂದೋಲನವೆಂದರೆ ಆಂತರಿಕ ಪರಿವರ್ತನೆ ಮತ್ತು ಎಲ್ಲರಿಗೂ ಬದಲಾವಣೆ ಎಂದು ಅರ್ಥ. ಈ ಆಂದೋಲನವು ವಿಶ್ವ ಸಮುದಾಯಕ್ಕೆ ಭಾರತದ ಅಪೂರ್ವ ಕೊಡುಗೆಯಾಗಿದೆ. ನಮ್ಮ ಪ್ರಜ್ಞೆಯನ್ನು ಬೆಳೆಸಿಕೊಳ್ಳಲು ಮತ್ತು ಶ್ರೀ ರಾಜಾಧಿರಾಜ ಗೋವಿಂದ ಮಂದಿರದ ಮೂಲಕ ಭಗವಂತನನ್ನು ಕಾಣಲು ಇಸ್ಕಾನ್ ಬೆಂಗಳೂರು ವಿಶ್ವಕ್ಕೆ, ವಿಶೇಷವಾಗಿ ಭಾರತಕ್ಕೆ ದಿವ್ಯಧಾಮದ ಅವಕಾಶವನ್ನು ಕಲ್ಪಿಸಿದೆ. ಇಸ್ಕಾನ್ ಬೆಂಗಳೂರಿನ ಎಲ್ಲ ಸತ್ಕಾರ್ಯಗಳಿಗೆ ನಮ್ಮ ಸರ್ಕಾರವು ಯಾವಾಗಲೂ ಬೆಂಬಲ ನೀಡುತ್ತ ಬಂದಿದೆ. ಮುಂಬರುವ ವರ್ಷಗಳಲ್ಲಿ ಅದನ್ನು ನಮ್ಮ ಸರ್ಕಾರವು ಮುಂದುವರಿಸುತ್ತದೆ.
ಮಂದಿರ ಮತ್ತು ಸಾಂಸ್ಕೃತಿಕ ಸಮುಚ್ಚಯವನ್ನು ಸಮಾಜಕ್ಕೆ ಅರ್ಪಣೆ ಮಾಡಿದ ರಾಷ್ಟ್ರಪತಿಯವರಿಗೆ ಇಸ್ಕಾನ್ ಬೆಂಗಳೂರು ಅಧ್ಯಕ್ಷ ಶ್ರೀ ಮಧು ಪಂಡಿತ ದಾಸ ಅವರು ಕೃತಜ್ಞತೆಯನ್ನು ಸಲ್ಲಿಸಿದರು. ಉಪಸ್ಥಿತರಿದ್ದ ಇತರ ಗಣ್ಯರಿಗೂ ಅವರು ಅಭಿವಂದನೆ ಅರ್ಪಿಸಿದರು. ಅವರೆಂದರು, ತಿರುಮಲದಂತೆಯೇ ಭವ್ಯವಾದ ಮಂದಿರವನ್ನು ನಿರ್ಮಿಸಬೇಕು ಎನ್ನುವ ಶ್ರೀಲ ಪ್ರಭುಪಾದರ ಅಪೇಕ್ಷೆಯೇ ಇಸ್ಕಾನ್ ಶ್ರೀ ರಾಜಾಧಿರಾಜ ಮಂದಿರಕ್ಕೆ ಸ್ಫೂರ್ತಿ. ಈ ಕೇಂದ್ರವು ಭಾರತದ ವಿವಿಧ ಭಾಗಗಳ ಭಕ್ತರನ್ನು ಮತ್ತು ಯಾತ್ರಿಗಳನ್ನು ಆಕರ್ಷಿಸುತ್ತದೆ. ಅಧಿಕ ಸಂಖ್ಯೆಯಲ್ಲಿನ ಜನರಿಗೆ ಹಿತಕರವಾದ ದರ್ಶನ ಲಭಿಸಲು ಅನುಕೂಲಗಳನ್ನು ಕಲ್ಪಿಸಲಾಗಿದೆ ಮತ್ತು ಮಂದಿರಕ್ಕೆ ಭೇಟಿ ನೀಡುವ ಎಲ್ಲರಿಗೂ ಭೋಜನವನ್ನು ನೀಡಲು ನಿತ್ಯ ಅನ್ನದಾನ ಅಂಗಳವನ್ನು ರೂಪಿಸಲಾಗಿದೆ. ಮಂದಿರ ಕೇಂದ್ರವು ಮಕ್ಕಳು, ಯುವಜನರು ಮತ್ತು ಕುಟುಂಬಗಳಿಗೆ ಆಧ್ಯಾತ್ಮಿಕ ಮತ್ತು ಸಾಂಸ್ಕೃತಿಕ ಶಿಕ್ಷಣಕ್ಕೆ ಸರ್ವವಿಧವಾದ ಸೌಲಭ್ಯಗಳನ್ನು ಒದಗಿಸುತ್ತದೆ. ಈ ಭವ್ಯ ಮಂದಿರದ ಮೂಲಕ ಸಮಾಜದ ಎಲ್ಲ ವರ್ಗಗಳ ಸೇವೆಗೆ ನಾವು ಬದ್ಧರಾಗಿದ್ದೇವೆ. ಮಾನವೀಯತೆಯ ಸೇವೆಯಲ್ಲಿ ನಾಲ್ಕು ದಶಕಗಳಿಗೂ ಹೆಚ್ಚು ಕಾಲದಿಂದ ನಮ್ಮೊಂದಿಗೆ ಸ್ಥಿರವಾಗಿ, ಬೆಂಬಲವಾಗಿ ನಿಂತಿರುವ ಎಲ್ಲ ದಾನಿಗಳು, ಪೋಷಕರು ಮತ್ತು ಶುಭ ಚಿಂತಕರಿಗೆ ಕೃತಜ್ಞತೆಯನ್ನು ಅರ್ಪಿಸುತ್ತೇನೆ.
ಮುಂಬರುವ ದಿನಗಳಲ್ಲಿ ಮಂದಿರದಲ್ಲಿ ವೈದಿಕ ಸಂಪ್ರದಾಯದ ರೀತ್ಯ ವ್ಯಾಪಕವಾದ ವಿಧಿವಿಧಾನಗಳನ್ನು ನಡೆಯುತ್ತಿವೆ. ಆದುದರಿಂದ ಮಂದಿರವನ್ನು ಆಗಸ್ಟ್ ೧, ೨೦೨೨ರಿಂ ದ ಸಾರ್ವಜನಿಕರಿಗೆ ಸಂಪೂರ್ಣವಾಗಿ ತೆರೆಯಲಾಗುವುದು.

pay by mobile casino sites

ಶೀರ್ಷಿಕೆಗಳು
ರಾಷ್ಟ್ರಪತಿಯವರು ರಿಬ್ಬನ್ ಕತ್ತರಿಸುವ ಮೂಲಕ ರಾಜಾಧಿರಾಜ ಗೋವಿಂದ ಮಂದಿರದ ಲೋಕಾರ್ಪಣೆ ಮಾಡಿದರು.
ಸನ್ಮಾನ್ಯ ರಾಷ್ಟ್ರಪತಿ ಮತ್ತು ಪ್ರಥಮ ಗೌರವಾನ್ವಿತ ಮಹಿಳೆ ದೀಪವನ್ನು ಬೆಳಗುತ್ತಿರುವುದು.
ಶ್ರೀಲ ಪ್ರಭುಪಾದರ ೧೨೫ನೆಯ ಜನ್ಮ ದಿನೋತ್ಸವದ ಸಂದರ್ಭದಲ್ಲಿ ಶ್ರೀಲ ಪ್ರಭುಪಾದರ ಜೀವನ ಚರಿತ್ರೆ, ಹಾಡು, ನರ್ತಿಸು ಮತ್ತು ಪ್ರಾರ್ಥಿಸು (ಸಿಂಗ್, ಡ್ಯಾನ್ಸ್ ಅಂಡ್ ಪ್ರೇ) ಪುಸ್ತಕವನ್ನು ಗಣ್ಯರು ಪ್ರದರ್ಶಿಸುತ್ತಿರುವುದು.
ಇಸ್ಕಾನ್ ಬೆಂಗಳೂರು ವೈಕುಂಠ ಗಿರಿಯ ಮೇಲೆ ವಿರಾಜಮಾನನಾಗಿರುವ ಶ್ರೀ ರಾಜಾಧಿರಾಜ ಗೋವಿಂದ.